२७ औँ अख्तियार दिवस मनाइयो

पोखरा, २७ माघ / अख्तियार दुरुपयोग अनुसन्धान आयोगको २७औँ स्थापना दिवसका अवसरमा आज यहाँ बृहत् सरसफाइ कार्यक्रमको आयोजना गरियो । पोखरा बृहत् सरसफाइ अभियान र अख्तियार कार्यालय, पोखराद्वारा संयुक्त रुपमा आयोजित कार्यक्रममा पोखरा प्रवेशद्वार चाइनापुलदेखि पृथ्वीचोकसम्म सरसफाइ गरिएको थियो । कार्यक्रममा अख्तियार कार्यालय, सुरक्षा निकाय, सडक विभाग, महानगरपालिका, उद्योगी व्यवसायी, विभिन्न विद्यालयका विद्यार्थी, आमा समूह, टोल विकास संस्था, युवा क्लबलगायत र सर्वसाधारणको सहभागिता रहेको थियो ।