बंगलादेश भारतसँग ७ विकेटले पराजित
एजेन्सी
युएई, असोज ६
बंगलादेश भारतसँग ७ विकेटले पराजित भएको छ। जारी एसिया कपको सुपर ४ को चरण खेलमा भारतले १ सय ७४ रनको निर्धारित लक्ष्य ३७ औं ओभरमा ३ विकेट गुमाउँदै सो जीत हासिल गरेको हो।
पहिले ब्याटिङ पाएको बंगलादेशले ५० औं ओभरमा अलआउट हुँदै १ सय ७३ रन बनाएको थियो।
उसका सुरूवाती ब्याट्सम्यान सस्तैमा पेभिलियन फर्किए। सो खेलमा लिटन दास र नज्मुल हुसेन सान्टोले ७-७ रन मात्र बनाउन सके । खराब सुरूवात गरेको बंगलादेशका लागि शकिब अल हसन १७ र मुश्फिकर रहिम २१ रन जोड्दै आउट भएपछि बंगगलादेश दबाबमा पुगेको थियो।
महामुदुल्लाह र मोसदेक हुसेनले पारी सम्हाल्ने कोसिस गरेपनि लगातार दुवै आउट भएपछि सो खेलमा बंगलादेश ७ विकेटको क्षतिमा १०१ रनको नाजुक अवस्थामा पुगेको थियो।
महामुदुल्लाहले २५ र मोसदेकले १२ रनमात्र जोड्न सके । सो खेलमा मोहमद मिथुन पनि ९ रनमा आउट भए ।
बंगलादेशको दयनिय अवस्थालाई कप्तान मोर्ताजा र मेहदी हसनले आठौँ विकेटका लागि गरेको ६६ रनको साझेदारीले उसको अवस्था केहि सुधारियो।
३२ बलमा २ छक्का प्रहार गर्दै मोर्ताजाले २६ रन जोडे भने मेहदीले ४० बलमा ४२ रन बनाए।
भारतको जीतका लागि स्पिनर रविन्द्र जडेजाले उत्कृष्ट बलिङ गरे। उनले २९ रन दिदैं बंगलादेशको ४ विकेट झारेका थिए।
जवाफी ब्याटिङमा उत्रेको भारतको जीतका लागि कप्तान एवं ओपनर रोहित शर्माले नटआउट ८३ रन बनाए । उनले ५ चौका र ३ छक्का प्रहार गरे ।
त्यस्तै रोहित र शिखर धवनले ६१ रनको साझेदारी गरेका थिए । धवनले ४७ बलमा ४ चौका र १ छक्का प्रहार गर्दै ४० रन बनाए । महेन्द्रसिंह धोनीले ३ चौका प्रहार गर्दै २७ बलमा ३३ रन जोडेका थिए ।
बंगलादेशका लागि मसरफे मोर्ताजा, शकिब अल हसन र रुबेल हुसेनले १-१ विकेट लिएका थिए ।