बलिउड अभिनेत्री आलिया भट्ट र अभिनेता रणवीर कपूर पनि छिट्टै बिहे गर्ने भएका छन् ।
लामो समयदेखि प्रेमसम्बन्धमा रहेका आलिया र रणवीरले बिहे गर्ने तयारीमा रहेको पारिवारिक स्रोतले जनाएको छ । भारतीय मिडियाका अनुसार, दुवैका परिवारले विहेका लागि सहमति जनाएका छन् ।
अहिले आलिया प्रायः रणवीरका आमाबुवासँग समय विताउने गरेकी छन् । आलियाका बुवा महेश भट्टले बिहेका लागि सहमति दिएपछि उनी रणवीरका परिवारसँग समय विताउँन लागेको जनाएको छ ।
लामो समयदेखि आलिया र रणवीर प्रेमसम्बन्धमा छन् । तर, उनीहरुले एक–अर्काका विषयमा केही बोलेका छैनन् । यतिसम्मकी आलिया छिट्टै न्यूयोर्क जाने भएकी छन् । रणवीरका बुवा ऋषि कपूरको न्यूयोर्कमा उपचार भइरहेको छ । रणवीरकी आमा नीतू कपूर पनि न्यूयोर्कमै छिन् ।
नयाँ वर्षमा रणवीर आमाबुवासँगै न्यूयोर्क जाने भएपछि आलिया पनि उतै जाने तयारी गरेको जनाएको छ । उनले सुटिङ चलिरहेका फिल्ममा नयाँ वर्षमा केही समयका लागि विदा लिएको भारतीय मिडियाले जनाएको छ ।रणवीर कपूरका बुवाका उपचार सकिए लगत्तै आलिया र रणवीरको बिहे गर्ने तयारी भएको जनाएको छ ।-सरल पत्रिका