कोरोना संक्रमित नेकपा एमालेको पोलिटब्युरो सदस्य तथा दोलखा क्षे नं २ का सांसद चौलागाईंको निधन

काठमाडौँ– नेकपा एमाले नेता पशुपति चौलागाईंको निधन भएको छ। मनमोहन अस्पतालमा उपचाररत चौलागाईंको मंगलबार राति निधन भएको हो ।नेता चौलागाईंलाई केही दिनअघि कोरोना संक्रमण देखिएको थियो । बागमती प्रदेश सभा सदस्य समेत रहेका नेता चौलागाईंको निधनमा एमालेका नेता तथा कार्यकर्ताले श्रद्धाञ्जली दिएका छन् ।दोलखाका चौलागाईं केही दिनदेखि मनमोहन अस्पतालमा कोरोना संक्रमणपछि उपचार गराइरहेका थिए । उनी गत निर्वाचनमा दोलखा (ख) बाट वागमती प्रदेश सभा सदस्यमा निर्वाचित भएका थिए।