काठमाडौं, ९ असार – कंचनपुर, पुनर्वास नगरपालिका-६ नम्बर गाउँस्थित सडकमा से.४ प ५८७५ नम्बरको मोटरसाइकलको ठक्करबाट पदैलयात्री सोही नगरपालिका-४ कार्गिल डाँडा बस्ने ४८ वर्षीय हरि प्रसाद जोशीको बिहीबार बिहान मृत्यु भएको छ । उक्त मोटरसाइकलले असार ५ गते ठक्कर दिँदा गम्भीर घाइते भएका उनको प्रादेशिक अस्पताल धनगढीमा उपचारको क्रममा मृत्यु भएको हो । मोटरसाइकल चालकलाई प्रहरीले नियन्त्रणमा लिएको छ ।
सुनसरी, दुहवी नगरपालिका-३ बिधुत कार्यालयस्थितसडकमा प्रदेश २-०३-००१ ख २१०१ नम्बरको ट्रिपरको ठक्करबाट साइकलयात्री सोही नगरपालिका-२ डेरा गरी बस्ने भारत बिहार सिपोल घर भएकी ४० वर्षीया चन्द्रकला देवीविश्वकर्माको बिहीबार बिहान घटनास्थलमै मृत्यु भएको छ । टिपर चालकलाई प्रहरीले नियन्त्रणमा लिएको छ ।
सप्तरी, हनुमाननगर कंकालिनी नगरपालिका-१ स्थित सडकमा ना.५ ख १८९८ नम्बरको बस अनियन्त्रित भई रोडबाटकरिब २० फिट तल झरेर बिहीबार बिहान दुर्घटना हुँदा बसमा सवार हाल नाम, थर, वतन नखुलेकी करिब ६० वर्षीया महिलाको घटनास्थलमै मृत्यु भएको हो । दुर्घटनामा घाइते भएका बसका सहचालक लगायत अन्य ११ जनामध्ये ६ जनाको भारदह अस्पताल, ५ जनाको स्थानिय मेडिकलमा उपचार भइरेको छ । हाल फरार बस चालकको प्रहरीले खोजी गरिरहेको छ ।
कालीकोट, तिलागुफा नगरपालिका-४ राँचुलीस्थित सडकमा प्रदेश ३-०१-०२४ च १७८५ नम्बरको जिप करिब १ सय मिटर तल तिलाकर्णाली नदीको किनारामा खसेर बिहीबार दिउँसो दुर्घटना हुँदा चालक नवलपरासी (पश्चिम) खैरेनी घरभएका ४० वर्षीय विकास आलेको घटनास्थलमै मृत्यु भएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।