घोराही, २९ पुस
राजधानीमा हुने १३ औँ ढोरपाटन महिला च्याम्पीयनसिप भलिबल प्रतियोगीताका लागि दाङबाट एक टोली जाने भएको छ । श्रीगाउँ खेलकुद विकास समितिका तर्फबाट महिला भलिबल टोली राजधानी जाने तयारी गरेको छ ।
माघ ४ गतेदेखि १९ गतेसम्म सञ्चालन हुने प्रतियोगीतामा देशभरबाट १५ महिला भलिबल टोलीको सहभागीता रहने बताइएको छ । यस्तै श्रीगाउँ खेलकुल विकास समिति र पुर्वाञ्चल महिला भलिबल टोलीबीच माघ ७ गते प्रतिष्पर्धा हुने जनाइएको छ ।
यसैबीच प्रतियोगीताका लागि राजधानी जाने तयारी गरेको भलिबल टोलीलाई शान्तिनगर—२, ४ र ५ वडाले आर्थिक सहयोग गरेका छन् । जिल्ला खेलकुद विकास समितिका सहायक भलिबल रेफ्रि भिमबहादुर डाँगीको नेतृत्वमा जान लागेको टोलीको क्याम्टन सरिता नेपाली रहनुभएको छ । टोलीलाई तीन वटा वडा कार्यालयले १०÷१० हजारका दरले तीस हजार सहयोग गरेका हुन् ।
प्रतियोगीतामा प्रथम हुनेले तीन लाख २५ हजार, दोस्रो हुनेले एक लाख ७० हजार, तेस्रो हुनेले ८० हजार, चौथो हुनेले ५० हजार, पाँचौँ हुनेलाई ४०, छैठौँलाई ३० र सातौँलाई २० हजार पुरस्कारको ब्यबस्था गरिएको छ ।।
Views: 0