काठमाडौँ – कोटेश्वरबाट भक्तपुरको सूर्यविनायकसम्म सुरुङमार्ग बनाउन जापान सरकार सकारात्मक देखिएको छ ।
पूर्वमन्त्री तथा भक्तपुर क्षेत्र नम्बर २ का सांसद महेश बस्नेतले परराष्ट्र मन्त्री प्रदीप ज्ञवालीको भ्रमणका क्रममा जापान सरकारले सुरुङमार्ग बनाउने अनौपचारिक सहमति जनाएको जानकारी दिए ।
उनले सहमतिअनुसार कोटेश्वर सुरुङमार्ग र सूर्यबिनायक–धुलिखेल ६ लेनको सडक निर्माणका लागि चाँडै सहमति पत्रमा हस्ताक्षर गरिने पनि जानकारी दिए ।
यसैबीच परराष्ट्र मन्त्रीको भ्रमणका क्रममा अनौपचारिक सहमति जुटेपछि जापानी प्रतिनिधिहरुले सडक विभागका अधिकारीहरुसँग आवश्यक छलफल गरेका छन् ।
सो छलफलमा सांसद महेश बस्नेत, विभागका उप–महानिर्देशक सञ्जय श्रेष्ठ, कोटेश्वर–सिन्धुली सडकको डिभिजन इन्जिनियर राकेश महर्जन लगायत सहभागि थिए ।
सडक विभागको विकास सहायता समन्वय महाशाखाका प्रमुख सञ्जयकुमार श्रेष्ठले एक महिनापछि सुरूङमार्गको अध्ययन थालिने जानकारी दिए ।
Views: 0