काठमाडौं, फागुन ७ । चिसो मौसममा बिभिन्न किसीमका रोक, समस्याहरुले सताउने गर्छ । अस्पतालहरुमा चिसोका कारण दम, रुघाखोकी, निमोनियाका बिरामी बढेका छन् । अत्याधिक जाडोले बालबालिका, वृद्धवृद्धा र सुत्केरी तथा गर्भवती महिलाहरु बढी जोखिममा हुन्छन् ।
जाडो मौसममा आफ्नो स्वास्थ्यलाई ख्याल गरिएन भने चिसोका कारण मानिसको मृत्यु समेत हुनसक्छ । त्यसैले जाडो मौसममा लाग्न सक्ने रोग र त्यसबाट बच्न समयमै सचेत हुनुपर्छ ।
चिसोका कारण हुने स्वास्थ्य समस्या यस्ता छन्
जाडो मौसममा रुघा लाग्ने
छाती दुख्ने
बालबालिकामा निमोनिया हुने
रक्तचाप बढ्ने
मुटुको चालमा गडबडी हुने
हार्टअट्याक
दम बढ्ने
हातखुट्टा फुस्रो हुन्छ
चिसोबाट बच्न यी कुरामा ध्यान दिनुहोस्
तातो, पोसिलो तथा झोलिलो खाना खाने ।
न्यानो कपडा लगाउने ।
टाउको र हातखुट्टालाई तातो पार्नुपर्छ ।
तोरीको तेलले शरीर तथा हातखुट्टा मालिस गर्ने ।
चिसो लागिहालेमा दुधमा मरिच र बेसार हालेर खाने ।
चिसो लाग्न नदिन अदुवा र विरे नुन हालेर पानी उमालेर पिउने ।
नियमित तातो पानी खाने ।
जाडो मौसममा चिसोबाट बच्न मानिसहरु आगो तथा हिटर ताप्ने गर्छन् । आगो ताप्दा प्लास्टिकको झोलाहरु पनि बालेर आगो ताप्ने गरिन्छ । यसरी आगो ताप्दा हातखुट्टा, अनुहार सुख्खा भएर फुट्ने र स्वास्थ्यमा अन्य असर गर्छ । त्यसैले प्लास्टिकको प्रयोग गरेर आगो ताप्न हुदैन ।
यस्तै हिटर ताप्दा झ्यालढोका बन्द गरेर ताप्दा कोठामा अक्सिजन कम भइ मानिसको मृत्यु समेत हुन सक्छ । त्यसैले जाडो मौसममा चिसोबाट बच्ने प्रमुख उपाय न्यानो कपडाको प्रयोग नै हो ।
Views: 0