काठमाडौं । जेलमा रहेका आफ्ना नेता कार्यकर्ता छुटाउनको लागी विप्लव माओवादीले भोली नेपाल बन्द गर्ने जनाएको थियो । तर, विप्लव नेतृत्वको नेपाल कम्युनिष्ट पार्टी लुम्बिनी व्यूरोले फागुन ८ गते घोषणा गरेको बन्द फिर्ता लिएको छ ।
पार्टीले लुम्बिनीका ७ जिल्ला बन्दको कार्यक्रम फिर्ता लिएको जानकारी दिएको छ । आफ्नो पार्टीका नेताहरुलाई विनाकारण हिरासतमा राखेर नियोजित रुपमा झुट्टा मुद्दामा फसाउने षडयन्त्र गरिएको भन्दै सो पार्टीले लुम्बिनीका रुपन्देही, कपिलवस्तु, नवलपरासी, नवलपुर, गुल्मी, पाल्पा र अर्घाखाँची जिल्ला बन्दको आव्हान गरेको थियो ।
आज अर्घाखाँचीको सन्धिखर्कमा सबै नेताहरुलाई अदालतबाट १० हजार धरौटीमा रिहा गरेपछि बन्द फिर्ता भएको हो । गत माघ २३ गते अर्घाखाँची जिल्लाबाट नेकपाको सांगठनिक अभियानको सिलसिलामा नेकपाका लुम्बिनी व्यूरो सदस्य एवं गुल्मी जिल्ला इन्चार्ज पुर्णवहादुर सिंह, सेक्रेटरी कमरेड खिमबहादुर खड्का, अर्घाखाँची जिल्ला पार्टी सचिवालय सदस्य कमरेड पिताम्बर पोखरेल, अभियानयात्री कमरेड टुकलाल पुनलाई अर्घाखाँची प्रहरीले गिरफ्तार गरेको थियो । नेताहरुको रिहाईसँगैं बन्द पनि फिर्ता लिएको पार्टीले जनाएको छ ।
Views: 0