काठमाडौं – पछिल्लो समय फिल्मको लगानी बालुवामा पानी भइरहेको छ । एकदुई छोडेर भन्ने हो भने सबै फिल्मका लगानी डुबेका छन् ।
तर पनि निर्माता निर्देशकले चर्चाका लागि फिल्म निर्माणमा मात्र होइन, शुभ–मुहूर्तमा समेत तडक भडक गर्न छोडेका छैनन् । यस्तै तडक भडक फिल्म ‘म यस्तो गीत गाउँछु २’ले पनि गरेको छ । मंगलबार गोरखाको मनकामना मन्दिरमा शुभ–मुहूर्त भएको यस फिल्मका कलाकार मनकामना मन्दिर हेलिकोप्टर चार्टर गरेर पुगेका छन् ।
फिल्मका निर्देशक सुदर्शन थापा, अभिनेता पल शाह र अभिनेत्री पूजा शर्मा काठमाडौं देखि हेलिकोप्टर चार्टर गरेर मनकामना पुगेका थिए ।
मुहूर्तमा अभिनेत्री पूजा र पलले नै फिल्मको क्ल्याप ठोकेका थिए । सुदर्शन थापा प्रोडक्सनको व्यानरमा निर्माण हुन लागेको यस फिल्मको अशोजदेखि छायाँकनमा जाने बताइएको छ ।फिल्ममा पल र पूजासँगै सलोन बस्नेत पनि मुख्य भूमिकामा रहनेछन् ।रातोपाटी
Views: 0