काठमाडौं, २८ वैशाख – दैलेख, भैरवि गाउँपालिका–२ तिप्तडास्थित कुन्टे तलाउमा साथीहरुसँग पौडी खेल्ने क्रममा डुबेर दुल्लु नगरपालिका–८ बस्ने १८वर्षीय गोबिन्द भण्डारीको मंगलबार दिउँसो मृत्यु भएको छ ।
ताप्लेजुङ, पाथिभरा याङवरक गाउँपालिका–१ नाङखोल्याङ बस्ने अनुप लिम्बुकी छोरी १५ महिनाकी साया लिम्बु घर वरिपरि खेल्ने क्रममा आफ्नै घरनजिक रहेको माछा पोखरीमा डुबेर मंगलबार दिउँसो मृत्यु भएको छ । डुबेर अचेत अबस्थामा रहेकी उनको जिल्ला अस्पतालमा उपचारको क्रममा मृत्युभएको हो ।
गुल्मी, रेसुङगा नगरपालिका–१४ बस्ने पदम सामतको छोरा १७ वर्षीय अनिल सामत र सोही ठाउँ बस्ने जित बहादुर सामतको छोरा १३ वर्षीय सुधन सामतसोही ठाउँस्थित छल्दिपना खोलामा मंगलबार मृत अवस्थामा फेला परेका छन् । माछा मार्न गएकोमा घर नफर्किएपछि खोजी गर्ने क्रममा उक्त खोलामाडुबेर मृत्यु भएको अवस्थामा उनीहरुको शव फेला परेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
Views: 0