काठमाडौं, १२ जेठ – सुनसरी, बराहक्षेत्र नगरपालिका-९ डोलबरिया बस्ने ५०वर्षीय हरि नारायण चौधरीको घरमा करेन्ट सर्ट भई बिहीबार बिहान आगलागी हुँदा घर पूर्णरूपमा जलेर करिब १२ लाख रूपैयाँ बराबरको धनमाल नष्ट भएको छ ।
मोरङ, बिराटनगर महानगरपालिका-७ स्थित गोल्डेन अस्पतालको आइसियु कक्षको मोनिटरिङ वार्डमा करेन्ट सर्ट भई बिहीबार बिहान आगालगी हुँदा दुई वटा मेसिन जलेर करिब २ लाख रूपैयाँ बराबरको धनमाल नष्ट भएको छ ।
मकवानपुर, भिमफेदी गाउँपालिका-२ भैसेस्थित सडकमा काठमाडौंबाट हेटौंडातर्फ जाँदै गरेको बा.८ च ८०३० नम्बरको सफारी जिपमा ब्याट्री सर्ट भई बुधबार राति आगलागी हुँदा जिप पूर्णरुपमा जलेर क्षति भएको छ ।
कैलाली, टिकापुर नगरपालिका-१ बस्ने प्रेम आचार्यको ए.एम.बि.मल्टी फुड प्रोडक्ट ईन्डष्ट्री प्रालिमा करेन्ट सर्ट भई बिहीबार बिहान आगलागी हुँदा उद्योगभित्र रहेका ड्राई मेसिन२ थान, ४ क्विन्टल दाल समेत पूर्णरूपमा जलेर करिब १० लाख रूपैयाँ बराबरको धनमाल नष्ट भएको छ ।
प्रहरी, स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।
Views: 0