काठमाडौं, १३ जेठ – डोटी, सायल गाउँपालिका-१ तेल्परास्थित सडकमा सायलबाट दिपायलतर्फ जाँदै गरेको सु.प.प्र.०१००१ ज १३३४ नम्बरको बोलेरो जिप सडकबाट अन्दाजी १२ मिटर तल खसेर शुक्रबार बिहान दुर्घटना हुँदा जिपमा सवार कैलाली गोदावरी नगरपालिका-४ बास्कोटा बस्ने ४२ वर्षीय राम प्रशाद ओझा समेत १५ जना घाइते भएका छन् । घाइतेहरूको स्थानीय स्वास्थ्य चौकी मौवामा उपचार भइरहेको छ । घाइतेमध्ये १ जनाको अवस्था गम्भीर, १ जना मध्यम र अन्य सामान्य रहेका छन् । जिप चालकलाई प्रहरीले नियन्त्रणमा लिएको छ ।
दैलेख, दैलेख नारायण नगरपालिका-८ दासेढुङ्गास्थित सडकमा बेस्तडाबाट दैलेखतर्फ जाँदै गरेको ना.५ च ३१४१ नम्बरको बलेरो जिप शुक्रबार बिहान दुर्घटना हुँदा जिपमा सवार भगवतीमाई गाउँपालिका-१ बस्ने २४ वर्षीया तुल्सा बिक सहित ५ जना घाइते भएका छन् । घाइतेहरूलाई उपचारको लागि जिल्ला अस्पताल दैलेख पठाइएको छ । जिप चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
Views: 0