आजकल धेरै मानिसलाई उमेर नढल्की कपाल झरेर हैरान पारेको छ । कपाल धेरै झर्ने कारण साधारणतया महिलाभन्दा पुरुषको कपाल धेरै झर्छ ।
पुरुषको धेरै कपाल जेनेटिक कारणले झर्ने गर्दछ । तर, महिलाको कपाल जेनेटिकभन्दा अन्य कारणले कपाल धेरै झर्ने गरेको पाइन्छ । पछिल्लो समय महिलाहरू पुरुषजतिकै तनावमा पर्न थालेपछि झनै कपाल झर्न थालेको पाइन्छ ।
कपाल झर्ने समस्या नेपालमा पनि बढ्दै गएको छ । पछिल्लो समय ३० वर्ष उमेर पुगेका पुरुष तथा महिलाहरुमा कपाल झर्ने समस्या देखिन थालेको छ । कपाल झर्ने समस्यालाई एलोपेसिया भनिन्छ ।
शरीरको कुनै पनि भागबाट कपाल झर्नुलाई एलोपेसियाभनिन्छ । ५० देखि सयवटा कपाल झर्यो भने यसलाई सामान्य मानिन्छ । तर, धेरै दिनदेखि सय भन्दा बढी कपाल झर्न थाल्यो भने चिकित्सकको सल्लाहअनुसार उपचार गर्नुपर्छ ।
कपाल झर्ने कारणहरु
१. लामो समयसम्म अस्पताल बसेर उपचार गर्दा पनि कपाल झर्ने हुन सक्छ ।
२. क्यान्सर रोगका कारण पनि कपाल झर्छ ।
३. सुत्केरी हुँदा पनि कपाल झर्न सक्छ ।
४. दुर्घटनामा परेर टाउकोमा चोट लाग्दा
५. वंशानुगत कारण ।
६. पुरुषमा हुने हर्माेनका कारणले पनि कपाल झर्न सक्छ ।
७.एउटै काँइयो धेरैजनाले प्रयोग गर्दा पनि समस्या हुन सक्छ ।
८. विभिन्न किसिमका कस्मेटिक सामग्रीको प्रयोगले कपाल झर्ने गरेको छ ।
रोकथामको उपाय
१. खानपानमा ध्यान दिने ।
२. कपालमा केमिकल प्रयोग नगर्ने ।
३. कपाललाई कडा रुपले नबाँध्ने तथा कडा हेयर स्टाइल नबनाउने ।
४. तातो पानीले ननुहाउने ।
५. एउटै काइयो धेरै जनाले प्रयोग नगर्ने ।
६. कपालको सरसफाईमा ध्यान पुर्याउने । एजेन्सी
Views: 0