पाँचथर, ३ असार - मिक्लाजुङ गाउँपालिका-७ कोप्चेस्थित जंगलमा बेवारिसे लोड अवस्थामा रहेको १ थान भरुवा बन्दुक बिहीबार राति प्रहरीले बरामद गरेको छ । ईलाका प्रहरी कार्यालय खान्द्रुङबाट खटिएको प्रहरीले उक्त बन्दुक फेला पारी बरामद गरेको हो ।
यस सम्बन्धमा प्रहरीले थप अनुसन्धान गरिरहेको छ ।
सवारी दुर्घटनामा दुई जनाको मृत्यु
काठमाडौं, ३ असार - कैलाली, गोदावरी नगरपालिका-६ लालपुरस्थितसडकमा सु.प.प्र ०१०१० प ९६०३ नम्बरको मोटरसाइकल आफैअनियन्त्रित भई बिहीबार राति दुर्घटना हुँदा मोटरसाइकल चालक बाजुरा घर भएका ३७ वर्षीय हिक्मत बहादुर रावलको मृत्यु भएको छ । दुर्घटनामा गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएकोहो ।
रौतहट, चन्द्रपुर नगरपालिका-२ स्थित सडकमा ना.६ ख ६५५० नम्बरको ट्रकले रा.४ प ५०१ नम्बरको मोटरसाइकललाई बिहीबार दिउँसो ठक्कर दिँदा मोटरसाइकल चालक सुनसरी ईनरवा नगरपालिका-१० बस्ने ३६ वर्षीय सकल कुमार मण्डलको मृत्यु भएको छ । ठक्करबाट गम्भीर घाइते भएका उनको चपुर प्रालि अस्पताल चपुर हुँदै नारायणी अस्पताल वीरगंजमा थप उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले थप अनुसन्धान गरिरहेको छ ।
Views: 0