विश्वको सबैभन्दा शक्तिशाली मुलुक अमेरिका अहिले मुसाको आतंकसँग जुधिरहेको छ । अमेरिकामाथि मुसाले धावा बोलिरहेको विषयलाई लिएर सोसल मिडियामा मजाकका साथ उडाइएको छ ।
अमेरिकाको राजधानी वासिंटनमा मुसा आतंक बढेको छ । वासिंटनका गल्लीहरुमा घुमिरहेका तथा खाने कुराको खोजीमा फोहोर दानी आसपासमा झुम्मिएका मुसाको संख्या बढिरहेको छ ।
समाचार अनुसार वासिंटन डीसीमा हरेक ५ फिटको दूरीमा औषतमा एउटा मुसा देखिन्छ । राष्ट्रपति निवासको चौरमा समेत मुसाको बथान देखिन्छ बेला बेलामा ।
फक्स न्यूजका एकजना पत्रकारले ह्वाइट हाउसको चौरमा मुसा देखेको विषयमा ट्वीट गरेपछि उनको ट्वीट निकै चर्चित भयो । मानिसहरुले सोसल मिडियामा अनेक खालका टिप्पणी गर्न थालेका छन् । कतिपयले त मुसा जागिर माग्नका लागि ह्वाइट हाउसमा गएको तर जहाज डुब्न लागेको देखेर फर्किएको भनी टिप्पणी गरेका छन् ।
अमेरिकामा मुसा आतंक फैलिएको यो पहिलोपटक भने होइन । सन् २०१५ मा न्युयोर्कको सडकमा यसैगरी मुसा आतंक मच्चिएको थियो ।
वासिंटन डीसीले हरेक वर्ष मुसा नियन्त्रणमा धेरै धनराशि खर्च गर्ने गर्दछ । तर पनि मुसाको नियन्त्रणमा सफलता प्राप्त हुन सकेको छैन ।
– अनलाइन खबर
Views: 0