बनेपा । काठमाडौं विश्वविद्यालय (केयु)का विद्यार्थीहरुले विश्वकै नमुना कार बनाएका छन् । (केयु) केन्द्रीय कार्यलयका अटोमोबाईल्स विभागमा अध्ययनरत विद्यार्थीले नयाँ तीनचक्के सवारी साधनको निर्माण गरेर विश्का मेकानिकलाई चुनौती दिएका हुन् । यस्तो मोडेलको सवारी साधनलाई नेपालकै नमुना सवारी साधन भएको उनीहरुको दाबी छ ।
आगामी अप्रिल महिनाको १९ तारिखदेखि मलेसियामा विश्वका उत्कृष्ट मेकानिकल इन्जिनियर सहभागी हुने सेल ईको म्याराथन एसियामा प्रर्दशनमा यो सवारी साधन पनि प्रतिष्पर्धी बन्ने बताइएको छ ।
नयाँ मोडेलको यो सवारी साधन सेन्सरयुक्त छ । साथै नेपालबाट सेलमा भाग लिएर प्रतिस्पर्धा गर्ने पहिलो नेपाली टोली र उत्कृष्ट सवारी साधन हुने अटोमोबाईल मेकानिकल विषय चौंथो वर्षमा अध्ययनरत जुनकिरी टिमका संयोजक विद्यार्थी सागर थापाले बताएका छन् । उनीहरुले यो सवारी ‘दशैँ अघिदेखि निर्माण सुरु गरेका थिए । यो सृजना विश्वकै उत्कृष्ट मेकानिकलाई समेत चुनौती भएको विद्यार्थीहरुले बताएको खबर आजको अन्नपुर्ण पोष्ट दैनिकले लेखेको छ ।
Views: 0