नागोया । जापानमा तिब्र गतिमा कुदिरहेको एक ‘सिन्कानसेन बुलेट ट्रेन’का चालकले गम्भिर लापरवाही गरेको घटना सार्वजनिक भएको छ । समाचार ‘बुलेट’ रेलका चालक कुदिरहेको रेल छाडेर शौचालय गएका छन् । १ सय ६० जना यात्रु सवार रेल कुदिरहेकै बेलामा चालक शौचालय गएका हुन् । जापानी संचार माध्यमहरुका अनुसार ती चालकले तीन मिनेट रेललाई कुदिरहेकै अवस्थामा त्यत्तिकै छाडिदिएका थिए ।घटना शिजुओखा प्रिफेक्चरमा भएको हो । ३६ बर्षिय चालक पेट दुखेपछि ‘ककपिट’ रित्तै छाडेर शौचालय गएको पाइएपछि गम्भिर लापरवाही भएकोमा केन्द्रिय जापान रेलवे कम्पनीका प्रमुखले माफी मागेका छन् ।
हिकारी नम्वर ६३३ रहेको रेलका चालकले गत आईतबार बिहान ८ बजेर १५ मिनेटमा आतामी रेल स्टेशन र मिशिमा ‘स्टेशन’ बिचमा कुदिरहेको रेल छाडेर शौचालय गएका थिए । ‘ककपिट’मा ३६ बर्षिय ‘कन्डक्टर’ रहेपनि उनिसँग रेल चलाउने लाईन्सेन्स नहुँदा उनि त्यसै बसे । कम्पनीका अनुसार तोकाईदो शिनकानसेन लाईन जसले टोकियो र शिन ओसाकालाई जोड्छ सन् २००१ मा यस्तैगरि एक चालकले ‘ककपिट’ छाडेको घटना भेटिएको थियो । ‘जेआर सेन्ट्रल’ले उक्त घटनालाई भूमि, पूर्वाधार, यातायात र पर्यटन मन्त्रालयमा खबर गरी यो मन्त्रालयको अध्यादेशको उल्लंघन भएको बताएको छ । उक्त रिपोर्ट पछि, जेआर सेन्ट्रलका वरिष्ठ अधिकारी मासाहिरो हायाचुले प्रेस सम्मेलनमा भने ‘यो एकदम अनुचित कार्य हो । हामी माफी चाहन्छौं ।’
कम्पनीले चालक र ‘कन्डक्टर’ विरूद्ध द’ण्डात्मक सजाय गर्ने विचार गरिरहेको जनाएको छ ।यातायात मन्त्रालयका एक अधिकारीले भने कि यो ‘अफसोसजनक छ कि सरकारी नियमहरू पूर्ण रूपमा पालना गरिएको थिएन र बुलेट ट्रेनले जनताको जीवन बोक्ने सुरक्षा प्राथमिकता हो ।’ कम्पनीका अनुसार चालकलाई अस्वाभाविक पेट दुखेपछि उनि शौचालय गएका थिए । चालकको अनुपस्थितिमा ‘ट्रेन’ सञ्चालन नगरी कन्डक्टर ककपिटको जम्प सीटमा बसेका थिए । जापानी ‘बुलेट ट्रेन’हरू आपतकाल घोषणा तथा कोरोना संक्रमणको प्रभावका कारण देशभर कम संख्यामा संचालनमा रहेका छन् ।जापानको तोकाईदो शिंकान्सेन लाईन जापानको एक व्यस्त बुलेट रेल लाईन हो ।
अन्य कुनैपनि रेल सेवाहरु संचालन नहुने रेल लिगका कारण यो उच्च स्पीड ट्रेनहरूको लागि एक विशेष रुपमा चिनिन्छ । जेआर सेन्ट्रलको आधिकारीक वेवसाईटका अनुसार यस लाइनमा रेलहरू २८५ किलोमिटर प्रति घण्टाको उच्च गतिमा कुद्ने गर्दछन् ।जेआर सेन्ट्रल नियमहरू अन्तर्गत, ‘बुलेट ट्रेन’ संचालन गर्दा स्वास्थ्य समस्या रहेका ‘ड्राइभर’ले ‘अपरेशन सेन्टरमा रिपोर्ट’ गर्नु पर्ने हुन्छ र ‘कन्ट्रोल’ले रेल संचालनको आपतकालिन अनुमति ‘कन्डक्टर’मा हस्तान्तरण गर्छ वा अन्यथा नजिकको ‘स्टेशन’मा ‘ट्रेन’ रोक्न लगाईन्छ । कम्पनीले शिन ओसाकाको लागि छुटेको ‘एक्सप्रेस ट्रेन’ ‘मिसिमा स्टेसन’ तालिका अनुसार करिब एक मिनेट ढिलो पार गरेपछि ‘नोटिस’ गरेको थियो ।
यस विषयमा भएको सुनुवाईमा चालकले सुरुमा कम्पनीलाई भनेकी उनी पेटमा दुखाईको कारण के भयो यादमा छैन । जे होस्, ककपिट आफ्नो अनुपस्थितिमा खाली भएको पुष्टि गरिएको छ । ‘म ट्रेनलाई नजिकको स्टेशनमा रोकेर ढिलो हुनबाट जोगाउन चाहन्थें ‘उनले सोधपुछमा कम्पनीमा भनेका छन् । ‘बुलेट ट्रेन’ लगायत जापानमा सबै रेलसेवा समयको हकमा तोकिएको समयमा संचालन हुने भनेर प्रख्यात छन् । ठूला समस्या भएको अपवाद बाहेक सामान्य समस्यामा जापानमा सबै रेलसेवा संचालन हुनुपर्ने समयको एक मिनेट भन्दा कम फरकमा तोकिएको ‘स्टेशन’बाट छुट्ने गर्दछन् ।
Views: 0