महोत्तरी, २३ असोज – जलेश्वर नगरपालिका-८ बज्राहीस्थित सडकबाट स्रोत नखुलेको १० लाख ४ हजार ५ सय नेपाली रुपैयाँ सहित २ जनालाई शुक्रबार दिउँसो प्रहरीले पक्राउ गरेको छ ।
पक्राउ पर्नेहरूमा मनराशिश्वा नगरपालिका-५ कटैया बस्ने ३४ वर्षीय दिपेन्द्र कुमार साह र भंगाहा नगरपालिका-७ बस्ने १८ वर्षीया किशोरी रहेका छन् । अनटेस्ट लेखिएको मोटरसाइकलमा सवार उनीहरूलाई २ नम्बर प्रदेश प्रहरी कार्यालय जनकपुर र जिल्ला प्रहरी कार्यालय महोत्तरीबाट खटिएको संयुक्त प्रहरी टोलीले जाँच गर्नेक्रममा उक्त नगद सहित फेला पारी पक्राउ गरेको हो । उनीहरूलाई बरामद नगद सहित आवश्यक कारबाहीका लागि भन्सार कार्यालय भिठ्ठामोडमा पठाइएको छ ।
https://www.videosprofitnetwork.com/watch.xml?key=5ab222e0c8ce73ce55d692cead46daaf
Views: 0